Secret Affair (MS2) novel Chapter 32

      Tatlong buwan ang nakalipas.Pinilit kong maging matapang. Gabi gabi akong umiiyak,gabi gabi akong umiinom.

     Hindi ako nakakakain sa tamang oras. Ang unit ko ay nagmukha nang kulungan ko.

    I'm so depressed. I feel so stupid.Kung maaga ko lang sana sinabi kay Rad ang tungkol doon? Ano kaya ang mangyayari? Makikipag hiwalay pa ba siya?

     Nagkalat ang mga bote ng alak sa sahig sa iba't ibang sulok ng unit ko. Araw araw kong inaalala ang mga sinabi ni Rad sa akin.

    Hindi na ako masyadong nakapasok sa eskwelahan.

    Ilang beses na din ni Papa akong pinangaralan kung bakit daw ba ako nagka ganito. Kung hindi pa siya umuwi nung kailan at kinausap kung sino man sa school ay hindi na sana ako tatanggapin.

    I took a special exam para sa aking marka.

  Kung hindi lang dahil kay papa ay hindi na talaga ako papasok.

    My friends keep on calling me. Nag aalala sila sa akin.Kung nakakain na ba ako? Dahil namayat daw ako. Maswerte ako na may kaibigan pa akong tulad nila. Nag aalala sa akin na kahit nga ako ay walang pakealam sa sarili ko ngayon.

    "Kahapon tumawag si Sebe sa akin." Panimula ko. Kung saan man nakuha ni Sebe ang number ko ay hindi ko alam.

    "Dapat daw sumama ako sa trip natin papuntang Palawan." Walang ka buhay buhay kong sabi.

    Nandito ako sa unit ni Cassy. Si Loisa kasi walang unit nakatira siya sa bahay nila.

    Sinindihan ko ang sigarilyo ko at hinithit.

Sa loob ng tatlong buwan inamin ko na hindi naging healthy ang mga ginawa ko.

    Maaga pa akong umiinom ng alak kahit walang kain. Natuto rin akong manigarilyo.

     Nandito kami ngayon sa veranda nila Cassy kung saan kita ang naglalakihang building nang ka-Maynilaan.

    "Dapat ka lang sumama no? Para makapag relax ka naman." Humingang malalim iti at nilapag ang kopita ng wine sa mini table.

    "Hindi ko masyadong nakikita si Rad sa school. Ang huli kong kita sa kanya ay kasama niya si Pia."

    So sila  na nga siguro. Kumirot ang dibdib ko. Simula nung nangyari yun ay hindi na talaga nag-krus pa ang landas namin ni Rad.

     Hindi ko na rin inalam at ayokong alamin ang mga nangyari sa kanya simula noon.

    "I dont want to talk about him,Cas." Dahil sobrang na miss ko na siya. Isipin ko palang siya ay halos himatayin na ako.

   I'm so fucked up.

   She sighed.

   "Frix naman? Ayaw mo ba talagang malaman kung anong nangyari noon?"  Pinagmasdan niya ako ng mabuti na nakakunot ang noo.

    "Okay, ano?" Walang gana ko na tanong. May mga naririnig naman ako na kawawa daw ako na malandi daw ako at ginawa lang akong fuck buddy ni Rad. Pero masyado na akong manhid para masaktan.

Mas nasaktan pa ako sa mga salitang binitiwan ni Rad sa akin noon.

    "Si Franko comatose siya Frix." Fuck! I dont know about it! I'm shock!

   "A-Ano?"

   She nodded.

   "Huli kana sa balita dahil ayaw mo naman na sabihin namin sayo. Two days ago noong araw na nagkahiwalay kayo ni Rad." She sipped again on his wine.

    "And?" Ngayon ay gustong gusto ko nang malaman.

    "Kung nakita mo lang siyang binugbog ni Rad ,Frix. We saw it." Dagdag niya.

    "Akala nga namin napatay niya si Franko eh. Rad is really a monster kapag nagalit Frix." 

     Kwento pa sakin ni Cassy ay sinampahan daw nang kaso si Rad nang pamilya ni Franko.

    "Pero tangina!  Frix. Makapangyarihan ang pamilya nila Rad. Wala silang nagawa hindi nakulong si Rad. Si Franko okay na siya ngayon kaso sa ibang University na siya ngayon hindi na siya sa HMU."

     Hindi ko alam kong ano ang magiging reaksyon ko sa kwento ni Cassy.