A Night with Gideon novel Chapter 6

Chapter 6

"Ano? Nagkita ulit kayo ng daddy ni Summer?” Literal na magkasabay na tanong nina Jessica at Qyla nang magkita-kita sila kinagabihan sa bar na dati niyang pinagtatrabahuhan.

“Kailangan talaga sabay kayo? Sige, lakasan niyo pa,” sarkastikong wika niya sa mga ito.

Nagkatinginan ang dalawang babae sa harap niya at nang muling ibinalik ang paningin sa kanya ay kapwa ito natawa.

“Sorry, nagulat lang kami,” Qyla started as she poured a mild alcoholic drink in her own glass.

Nagkibit-balikat si Jessica at ginaya din ang ginawa ni Qyla. She even offered to her na tinanggihan niya.

“You know na hindi ako umiinom. Hanggang alas-dyes lang ang paalam ko kay Mama. Kailangan kong maka-uwi bago mag-alas dyes, hahanapin ako ni Summer,” wika niya at kinuha sa mesa nila ang soft drink na iniinom niya.

Tinapik-tapik siya ni Qyla sa balikat at tumango-tango habang si Jessica naman ay nakangiti.

“Bakit?” tanong niya sa mga ito.

“Nakaka-mature talaga ang magkaroon ng anak, Mare,” sagot ni Jessica. “Ang mature mo na ngayon mag-isip. Parang kahapon lang, nasa high school tayo at sinasabi mong hindi ka gagawa ng assignment dahil gagaya ka na lang sa top one natin.”

“Gaga! Bakit mo ipina-alala?” natawa siya.

“Pero, mabalik tayo sa ‘mysterious stranger’ na daddy ng inaanak namin.” Ni-quote pa nito sa hangin ang salitang mysterious stranger. “Bakit kayo nagkita? Saan at paano? At ano ang reaksyon mo at reaksyon niya?”

“Isa-isa lang na tanong,” reklamo niya rito.

Natawa lang ito at sinandig ang likod sa sandigan ng sofa. They are in one of the VIP’s rooms na nasa second floor ng bar. Mas tahimik roon kaysa sa first-floor kung nasaan ang dance floor na kasalukuyang bukas na para sa mga gustong sumayaw.

As usual, kahit pasado alas-otso y medya pa lang ng gabi ay sadyang marami ng customer ang bar. Pulos mga kabataan na hindi na menor kapag ganitong oras, mga estudyanteng gustong magpakasaya pansamantala.

“Siya ang may-ari ng Vesarius Airlines,” simula niya.

Natikal mula sa pagkakasandal sa upuan ang dalawa na para bang nakarinig ito ng isang interesante at nakaka-excite na balita.

“Teka,” si Jessica na nakatingin pa sa kisame ng lugar na parang may inaalala. “You said na Gideon ang pangalan no’n di ba?”

Tumango siya. Kilala yata nito.

“Ibig mong sabihin, si Gideon Vesarius ang daddy ni Summer?” tanong nito na nanlalaki pa ang mga mata.

Atubiling tumango siya dahil tinatantya niya ang dalawang kaharap na kulang na lang ay dambahin siya sa kinauupuan niya.

“You know him?”

Umiling ito ngunit nanatili pa rin ang malaking ngiti nito sa labi. “Not really pero nakita ko na siya. Best friend siya ni Kuya Ali,” wika nito. Ang tinutukoy nitong Ali ay ang kaibigan ‘daw’ ng nakakatanda nitong kapatid.

“Friend, makalaglag underwear din ang kagwapuhan ng isang iyon katulad ni Kuya Ali. Kung hindi ko lang talaga nahahalata si Ate na in-denial sa feelings niya, naku! Matagal ko ng sinulot iyan si Kuya Ali.”

Napangiwi siya dahil sa dreamy expression ni Jessica. Halatang may crush nga ito sa Alejandro Almeradez na iyon.